SINOPSE: A Locamotora é a historia de duas maquinistas que conducen unha locomotora descarrilada coa que viaxan percorrendo un mundo real e imaxinario. Desta aventura xurden historias, contos, cancións, sons e anécdotas que van enchendo o tren de pequenos obxectos e lembranzas. A través destes obxectos e da narración de dous contos, as maquinistas comparten co público os momentos máis especiais desta viaxe.

Espectáculo infantil recomendado para público de 3 a 10 anos. Duración aprox. 55 min.